Հայաստանի ՀՆԱ-ն 2-րդ եռամսյակում 21,7% աճ է գրանցել

0 Մեկնաբանություններ
Հայաստանի ՀՆԱ-ն 2-րդ եռամսյակում 21,7% աճ է գրանցել

Հայաստանի համախառն ներքին արդյունքը 2018թ.-ի ապրիլ-հունիս ամիսներին առաջին եռամսյակի համեմատ գրանցել է 21,7% աճ, իսկ ընդհանուր առմամբ 2018-ի առաջին կիսամյակում նախորդ տարվա նույն ժամանակահատվածի համեմատ գրանցված աճը կազմել է 7,2%: Այս մասին տեղեկացնում են ՀՀ վիճակագրական կոմիտեից: Նախնական ցուցանիշների համաձայն՝ ընթացիկ տարվա առաջին կիսամյակում Հայաստանի ՀՆԱ-ն կազմել է 2,5 տրլն դրամ կամ մոտ 5,1 մլրդ դոլար: 2017թ.-ի առաջին կիսամյակում Հայաստանի ՀՆԱ-ն կազմել է 2,2 տրլն դրամ կամ 4,5 մլրդ դոլար:Կիսամյակային ՀՆԱ-ի կառուցվածքում մշակող արդյունաբերությանը բաժին է ընկնում 11%-ը կամ 282,3 մլրդ դրամ, առևտրին՝ ևս մոտ 11%-ը կամ 276,6 մլրդ դրամ, անշարժ գույքի հետ կապված գործունեությանը՝ 10% կամ 240,3 մլրդ դրամ, գյուղատնտեսությանը՝ 9% կամ 229,3 մլրդ դրամ: Նշենք, որ Հայաստանի Կենտրոնական բանկի գնահատականներով՝ 2018թ. ընթացքում ՀՆԱ-ի աճը կազմելու է 4,5-6,5%, իսկ Համաշխարհային բանկի գնահատականներով՝ 4,1%:

Կարդացեք նաԵՎ

0 Մեկնաբանություններ

    Մեկնաբանություններ չկան

Թողեք Ձեր մեկնաբանությունը

Օրվա լրահոս
Ամբողջ լրահոսը
    Ամենադիտվածները