Նոր իշխանությունը մտադիր է ցուցակներից «զտել» Հայաստանից բացակայող, անվավեր անձնագրերով անձանց. Հրապարակ

0 Մեկնաբանություններ
Նոր իշխանությունը մտադիր է ցուցակներից «զտել» Հայաստանից բացակայող, անվավեր անձնագրերով անձանց. Հրապարակ

«Հրապարակ» թերթը գրում է. 

Հաշվարկներ կա՞ն, թե նոր Ընտրական օրենսգրքի պարագայում ընտրացուցակները քանի տոկոսով «կմաքրվեն»՝ հարցրինք վարչապետին կից ընտրական բարեփոխումների հանձնաժողովի քարտուղար Դանիել Իոաննիսյանին։

Հիշեցնենք, որ նոր իշխանությունը մտադիր է ցուցակներից «զտել» Հայաստանից բացակայող, անվավեր անձնագրերով անձանց, որոնք ընտրողների մոտ 30 տոկոսն են կազմում, եւ որոնց փոխարեն ու շնորհիվ՝ նախկին իշխանությունները մշտապես տոկոսներ են խփել։ Դանիել Իոաննիսյանը պատասխանեց, որ վերջնական որոշում չկա, թե ինչ չափորոշիչներով պետք է մաքրել ցուցակները․ «Մենք, այո, ուսումնասիրություններ արել ենք, բայց միանգամից 1/3-ին հանելը ճիշտ չի լինի, որովհետեւ շատ մարդիկ իրականում երկրում են, բայց վավեր չեն նրանց անձնագրերը, եւ ընտրության օրը կարող են հայտնվել ու ասել, որ երկրում ենք։

Հետեւաբար, մենք պետք է ընտրենք, թե ինչ հաշվարկով ենք առաջնորդվելու՝ ցուցակներից հանել մարդկանց, որոնց անձնագրի վավերականությունը երկո՞ւ տարի առաջ է չեղարկվել, մե՞կ, թե՞ հինգ։ Եթե մեկ տարվա կտրվածքով, ապա խոսքը մոտ 200 մարդու մասին է, եթե հինգ տարվա, ապա՝ 90-100 հազար մարդու մասին»։

Մանրամասները՝ թերթի այսօրվա համարում:

Կարդացեք նաԵՎ

0 Մեկնաբանություններ

    Մեկնաբանություններ չկան

Թողեք Ձեր մեկնաբանությունը

Օրվա լրահոս
Ամբողջ լրահոսը
    Ամենադիտվածները