Երբ իմացել եմ, միայն մեկ հրահանգ եմ տվել. վարչապետը՝ Կուտոյանի մահվան մասին (տեսանյութ)

Այսօր Կառավարություն-Աժ հարցուպատասխանի ժամանակ իմքայլական պատգամավոր Տաթև Հայրապետյանը Նիկոլ Փաշինյանից հարցրեց, արդյոք հատուկ հրահանագներ իջեցվում են այնպիսի դեպքերի քննության հետ կապված ինչպիսիք են Գեորգի Կուտոյանի, Հայկ Հարությունյանի մահը և արդյոք նախկին պաշտոնյաների համար առանձնակի պաշտպանվածության կարիք կա։

Վարչապետը, պատասխանելով պատգամավորի հարցին, ասաց.

«Երբ ինձ զեկուցել են Գեորգի Կուտոյանի հետ կապված ահազանգի մասին, իմ միակ հրահանգը եղել է հետևյալը՝ հնարավորինս օպերատիվ տեղ հասնել և պահպանել դեպքի վայրը, որպեսզի պահպանվեն բոլոր հանցանշանները։ Ինչ վերաբերվում է հսկողության տակ պահելուն, ապա դրա համար պետք է իրավական հիմք, և ես կարծում եմ, որ սա է ճիշտ մոտեցումը»։

Մանրամասները՝ տեսանյութում.