Ռոմանտիկ է. սիրում է իշխել և եսակենտրոն է. Գագիկ Ծառուկյանի ձեռագիրն՝ իր մասին (լուսանկար)

ArmDaily.am-ը շարունակում է «Ձեռագիրդ՝ քո մասին» շարքի շրջանակներում Գոյ հոգեբանական կենտրոնի հետ համատեղ վերլուծել տարբեր քաղաքական ու հասարակական գործիչների ձեռագրերը:

Հոգեբանական կենտրոնի մեր գործընկերները միայն վերլուծության ավարտին են տեղեկանում, թե ում ձեռագիրն էինք մենք տրամադրել և ում անձն էին ձեռագրի օգնությամբ իրենք բացահայտում:

Այս անգամ ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկայնի ձեռագրի հոգեբանական վերլուծության օգնությամբ ենք փորձել բացահայտել նրա անձը։

Տվյալ ձեռագիրը կրող անձին բնորոշ է զգացմունքների բուռն դրսևորումներ, որոշ դեպքերում նաև ագրեսիվություն։ Սովորաբար նման անձինք չեն հանդուրժում կրել ենթարկվող դերեր ինչպես անձնական, այնպես էլ գործնական կյանքում։ Նա սիրում է համառել և պնդել սեփական տեսակետը։ Այդ անձը ձգտում է շփվողականության, նրան հարմար է այնպիսի աշխատանք, որը կապված կլինի միջանձնային շփումների հետ։
Միևնույն ժամանակ զգոնություն պահանջող իրավիճակներում այդ անձը կարող է դրսևորել զսպվածություն և զգացմունքների վերահսկում, ինչը ցույց է տալիս, որ այդ անձը իր գիտակցությամբ ամբողջությամբ կառավարում է զգացմունքները, սակայն նա բարեհամբյուր է և զգացմունքային։

Նման ձեռագիր ունեցող անձը ունի սեփականատիրոջ և համառ բնավորություն, նրա ձգտումները կապված են իդեալական նպատակների հետ։ Այդ անձը ռոմանտիկ է, սիրում է ապրել նրբագեղ կյանքով, նրան հեշտ է շողոքորթել։ Լավատես է և էներգիայով լեցուն։ Սիրում է իշխել և եսակենտրոն է։

Շարքը՝ Արմինե Նավոյանի

Այս թեմայով Աղջիկ ջան, դե ես պետք է ճոխ անեմ, դու՝ չանես, հո դու իմ պես չես անի. Ծառուկյանը՝ որդու հարսանիքը նշելու մասին (տեսանյութ) Որդու հարսանիքի հրավառության համար Գագիկ Ծառուկյանը տուգանվել է Գագիկ Ծառուկյանը Փաշինյանի կողմից հանդիպման պաշտոնական հրավեր չի ստացել Եթե խելք ունենային, լսեին, նախապատրաստվեին, բանակցեին՝ պատերազմ չէր լինի․ Գագիկ Ծառուկյան Արցախյան այս պատերազմում հայոց բանակն ու հայ զինվորը չեն պարտվել, պարտվել է ապաշնորհ իշխանությունը. Ծառուկյան