Թշնամին ժամանակն է, հակառակորդը` վատ սովորությունս, աջակիցը` ուժերս. բլից հարցազրույց դատավոր Միքայել Մելքումյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Հայաստանի վարչական դատարանի դատավոր Միքայել Մելքումյանը։

Նայեք հայելու մեջ: Ո՞ւմ եք տեսնում այնտեղ:
-Ինչպես մյուսների հետ հարաբերություններում` ինձ:

Որպես անհատականություն` ե՞րբ եք կայացել:
-Ստույգ ժամկետ հնարավոր չէ նշել: Մարդը կայանում է ողջ կյանքի ընթացքում:

Ի՞նչ հատկանիշներ կցանկանայիք ունենալ, որ չունեք:
-Մարդկանց մտքերը կարդալու ունակություն:

Ի՞նչ հատկանիշներից կցանկանայիք ձերբազատվել:
-Ավելի ճիշտ սովորությունից, ծխելու սովորությունից:

Եթե նորից ծնվեիք...ի՞նչ կփոխեիք ձեր կյանքում:
-Ավելի շատ ժամանակ կանցկացնեի վաղաժամ հեռացած մարդկանց հետ:

Ինչպիսի՞ մանուկ էիք, մի հետաքրքիր դրվագ կպատմե՞ք, ցանկալի է` հումորային:
-Վտանգավոր: Հետաքրքիր դրվագներ շատ են եղել, չեմ կարող որևէ մեկն առանձնացնել:

Ինչի՞ համար եք զղջում:
-Որպես կանոն, չեմ զղջում, սխալվելու դեպքում կենտրոնանում եմ ստեղծված խնդիրների լուծման վրա և փորձում եմ դաս քաղել դրանից:

Ինչպե՞ս դարձաք դատավոր ընդամենը 30 տարեկանում։
-Աշխատասիրության, աշխատանքի հանդեպ ունեցած վերաբերմունքի, փորձառու անձանց հետ աշխատելու արդյունքում:

Ինչո՞ւմ եք ամենաշատը ձեզ մեղադրում:
-Կորցրած ժամանակի և հնարավորությունների համար:

Ի՞նչ ստեր եք հաճախակի ստիպված ասել, բացի «10 րոպեից կհասնեմ»։
-Նույնիսկ այդ հարցում ՍՏԻՊՎԱԾ չեմ ստել: Փորձում եմ խուսափել այն մարդկանցից, ովքեր ստելու պատճառը ներկայացնում են որպես հարկադրված:

Ձեր հաջողության հասնելու գաղտնիքը ո՞րն է: Բացի Աստծուց եւ ընտանիքից` էլ ո՞ւմ եք շնորհակալ:
-Հաջողության հասնելու գաղտնիքը բոլոր հարաբերություններում պարկեշտ վարքագիծ դրսևորելու կարողությունն է: Շնորհակալ եմ նաև հմուտ և փորձառու ղեկավար ունենալու հնարավորությունից:

Ինքներդ ձեզնից գո՞հ եք, եթե այո, ապա ինչպե՞ս է հաջողվել գոհ լինել, եթե ոչ, ապա դժգոհությունը ի՞նչ հարցերի շուրջ է:
-Ինքնասիրահարվածությամբ չեմ տառապում, սակայն դժգոհելու առիթ էլ չունեմ:

Ովքե՞ր (ինչեր) են ձեր թշնամիները, հակառակորդները եւ աջակիցները:
-Թշնամին ժամանակն է, հակառակորդը` վատ սովորությունս, աջակիցը` ուժերս:

Ֆոբիաներ ունե՞ք, օրինակ՝ վեթինգից եք վախենում, թե պատերին ծեփվելուց, ասֆալտին փռվելուց։
-Հանգիստ տեղս նստելուց ՃՃՃ:

Վիսկի, թե թթի օղի։
-Կոնյակ:

Ի՞նչ կենացներ եք խմում։
-Կախված միջավայրից և առիթից:

Սիրելի ուտեստ եւ ուտեստ, որը կարողանում եք պատրաստել։
-Միս, միս, միս: Խոհանոցով գրեթե չեմ զբաղվում, վերջին անգամ փորձել եմ պատրաստել Չաշաշուլի, դեռ ողջ եմ:

Հայաստանում ի՞նչն է ամենից շատ ձեզ նյարդայնացնում:
-Անտակտ մարդիկ:

Ամենամեծ նյութական հարստությունը, որ ունեք: Չասեք, թե ձեր համար կարեւորը հոգեւոր հարստությունն է:
-Արդեն ասացի: Իսկ նյութական կարողություններս հայտարարագրված են:

Ամենառոմանտիկ օրը:
Միայն իմն է, չեմ ցանկանա հանրայնացնել:

Անցած սերեր։
-Զգացմունքը չի անցնում:

Ինչի՞ եք պատրաստ հանուն սիրո։
-Շատ բարդ հարց է, մտածել է պետք (խիստ կասկածամտորեն եմ վերաբերվում «ամեն ինչի» պատասխանին):

Եթե Հայաստանում բազմակնություն լիներ, քանի՞ կին կպահեիք:
-Չի լինի:

Ձեր սիրտ տանող ճանապարհը ե՞ւս ստամոքսով է։
-Երբեք չի եղել:

Հայոց պատմության ամոթալի դրվագը։
-Արշակունիների թագավորության անկումը:

Քանի լեզու գիտեք։
-Երեք:

Բարեվարքության կանոնների նախագծի ո՞ր կետին եք դեմ։
-Բարեվարքության որևէ կանոնի դեմ չեմ, այլ հարց է դրանց պատշաճ կիրառումը և համարժեք իրավական հետևանքներ առաջացնելու հնարավորությունը:

Ինչքա՞ն գումար կարող եք ծախսել մեկ օրվա ընթացքում։
-Ծախսելը վաստակել չէ. որքան հարկ լինի:

Պարտքով փող տալի՞ս եք, իսկ վերցնո՞ւմ եք։
-Գրեթե չեմ վերցնում, չեմ սիրում պարտք լինել: Տալիս եմ հաճախակի:

Ընկեր, որից հիասթափվել եք։
-Հիասթափվում եմ ոչ թե ընկերներից, այլ նրանցից ունեցած իմ ակնկալիքից, սպասումներից:

Խաղադրույք անել, խաղատուն գնալ, թե բլոտ խաղալ...որտե՞ղ եք անպարտելի։
-Անպարտելի մարդ չկա: Ամենամեծ և պարտություն չհանդուրժող խաղը կյանքն է: Կարծում եմ միշտ էլ ավելի կարևոր հարցեր լինում են լուծելու, քան գումարի վատնումը խաղատներում (երբեք չեմ այցելել):

Եթե ոչ դատավոր, ապա...։
-Կյանքը ցույց կտա:

Խորհրդակցական սենյակում։
-Միշտ մտորումների մեջ, քանի որ որոշում կայացնելիս գործի փաստերի և իրադրության բազմակողմանի գնահատումը մեծ ռեսուրսներ են պահանջում:

Ծննդավայրը՝ Բաքու...ինչպես է ստացվել...
-Չեք պատկերացնի, որքան եմ պատասխանել այդ հարցին: Բավական երկար պատմություն է…

Ամուսնանում են, որովհետեւ սիրում են, թե սիրում են, քանի որ ամուսնացել են...։
-Երկու դատողություններն էլ միանշանակ չեն…

Բարսելոնա, թե Ռեալ-Մադրիդ...սիրելի ֆուտբոլիստը։
-Ֆուտբոլի սիրահար չեմ:

Սիրելի հավաքականի խաղին հետեւելիս ձեր գործողությունները...եղուգներն եք կրծում, բազմոցի վրա թռչկոտում, ափսեներ ջարդում, գոռգռում, թե...
-Ուղղակի չեմ հետևում:

Զանգ ԲԴԽ-ից...թե եղբայրը չի թողնի զանգեն։
-Չի եղել:

Հարց շարքի հաջորդ մասնակցին։
-Ինչն է ավելի վատ՝ ձախողումը, թե չփորձելը:

Մեր շարքի նախորդ մասնակիցը՝ Նարինե Հովակիմյանը Ձեզ հարցնում է՝ լա՞վ եք։
-Շատ լավ, շնորհակալություն, դուք էլ լավ եղեք

«Խորհրդակցական սենյակում» շարքին մասնակցել են
Ալեքսանդր Ազարյանը  
Գագիկ Հովհաննիսյանը  
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը  
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  
Արթուր Աթաբեկյանը  
Կարինե Բաղդասարյանը  
Դավիթ Գրիգորյանը  
Լիզա Գրիգորյանը  
Արշակ Վարդանյանը  
Սիմիզար Հովսեփյանը  
Գրիգոր Առաքելյանը  
Երեմ Եսոյանը  
Սիմա Իսկանդարյանը  
Մարինե Մելքոնյանը  
Սարգիս Երիցյանը  
Նարինե Հովակիմյանը  

Շարքը՝ Ինգա Մարտինյանի

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ