Պալաչը՝ փոխմարզպե՞տ. Ռոմանոս Պետրոսյանը հերքում է շրջանառվող լուրերը

ArmDaily.am-ի աղբյուրների փոխանցմամբ` «Քաղաքացիական պայմանագիր» կուսակցությունում քննարկել են Աբովյանի քաղաքապետի ընտրության արդյունքները։ Մասնավորապես, մեղադրանքներն ուղղված են եղել Կոտայքի մարզպետ Ռոմանոս Պետրոսյանին, ով երաշխավորել է Գրիգոր Գուլյանի թեկնածությունը։

Ըստ նույն աղբյուրի՝ ՔՊ-ի մի թեւը մնացել է այն կարծիքին, որ պիտի առաջադրեին «Քինգ դե լյուքս» ընկերության հիմնադիր Արթուր Հարությունյանին (Պալաչ), որը հակասություն ունի ԲՀԿ առաջնորդ Գագիկ Ծառուկյանի հետ։

Ի դեպ, իշխանական կուլիսներում մտածում են Արթուր Հարությունյանին եթե ոչ առայժմ Կոտայքի մարզպետ, ապա փոխմարզպետ նշանակելու մասին՝ որպես հակակշիռ Գագիկ Ծառուկյանի։ Արթուր Հարությունյանն այժմ ապրում է Բելգիայում եւ առաջիկա օրերին կլինի Հայաստանում։

Փորձեցինք պարզաբանում ստանալ Կոտայքի մարզպետ Ռոմանոս Պետրոսյանից: Armdaily.am-ի հետ զրույցում մարզպետն ասաց. «Ես պաշտոնապես հերքում եմ այդ տեղեկությունը, նման բան չկա: Առհասարակ,  Արթուր Հարությունյանը որևէ կապ չունի ՔՊ-ի հետ, ընդամենը Աբովյանի քաղաքացի է, ով նախորդ ՏԻՄ ընտրությւններին պարտվել է»:

Մենք կապ հաստատեցինք նաև Արթուր Հարությունյանի հետ, ով հրաժարվեց որևէ մեկնաբանություն տալուց:   

Այս թեմայով Պալաչը կվերադառնա Հայաստան՝ մասնակցելու «ԱՅՈ»-ի քարոզարշավին Ինչո՞ւ այս տարի Աբովյանը չի նշելու քաղաքի օրը. Բյուջեից գումար չի հատկացվելու Արայիկ Հարությունյանն ու Սամվել Բաբայանը երևանյան սրճարաններից մեկում Աբովյանի քաղաքապետի դեմ հարուցված քրեական գործերը 2-ն են. Ռոմանոս Պետրոսյանը մանրամասներ է ներկայացրել Չգիտեմ, չեմ կարող ասել. Դավիթ Հարությունյանը՝ «Վիքիպեդիա»-ում արված փոփոխության մասին