Չեմ պնդում, որ 100 տոկոսանոց անսխալ որոշում ենք կայացրել. հանձնաժողովի անդամը՝ Դեբեդ նետված փոքրիկի խնամակալության մասին Ի՞նչ օգտակար հատկություններ ունի այս սեզոնի ամենասիրված հատապտուղը՝ ելակը   Մանթաշյանի առողջական վիճակը նիստից նիստ ավելի է վատանում.ի՞նչ կորոշի այսօր դատարանը Հայաստանը հայտնվել է ֆուտբոլի գնդակի դերում.քաղաքագետը՝ Փաշինյան-Ալիև-Միշել առաջիկա հանդիպման մասին Հայաստանը չպետք է խաղա Ռուսաստանի «կրտսեր եղբոր» դերը. Գերագույն Ռադայի խորհրդական  Ինչու՞ են 44-օրյա պատերազմում զոհված Սամվել Մարգարյանի այրուն ստիպել ազատման դիմում գրել. ուշագրավ մանրամասներ Թոշակառու մարդկանց 90%-ը մոբիլ չէ, սա ուղղակի շոու է. տնտեսագետը՝ թոշակառուների անկանխիկ գնումներ անելու որոշման մասին Ադրբեջանցիների նպատակն այդ բնակավայրերը վերցնելն ու վերաբնակեցնելն է.արցախցի պատգամավորը՝ Բերձորի միջանցքը շրջանցող այլընտրանքային ճանապարհի  մասին  Կյանքի միջանցք Լաչինը. լրացավ Բերձորի ազատագրման 30 տարին (տեսանյութ) Սա շատ գաղտնի, շատ խիստ, նեղ մարդկանց շրջանակում պայմանավորվածություն է. Մետաքսե Հակոբյանը՝ Աղավնոյի շուրջ իրադարձությունների մասին  Խաչատուրովին որևէ կերպ չեն կարող հետ պահել իր նպատակներից. Միհրան Պողոսյան  Նարեկ Մանթաշյանը, շաքարից բացի, ունի նաև երիկամների հետ կապված խնդիր. պաշտպանը մանրամասներ է հայտնում նրա վիճակից
Լավագույն տեսանյութերը. Youtube


Ասա՝ ով է նախագահի քո թեկնածուն, ասեմ՝ ով ես դու. Սարգսյանի հրաժարականի պատճառների եւ նոր Արմեն Սարգսյանի որոնումների մասին

Խմբագրական

Երեկ կիրակնօրյա հանգիստը «հարամեց» Հայաստանի նախագահ Արմեն Սարգսյանը, ով հայտարարեց իր հրաժարականի մասին։
Լուրն, իհարկե, խիստ անսպասելի չէր, հատկապես, որ Սարգսյանի հրաժարականի մասին պարբերաբար տեղեկություններ շրջանառվում էին։ Լուրը շոկային չէր, քանի որ ինչպես ասում են՝ «գալդ ինչ էր, մնալդ ինչ...», այսինքն՝ այնպես չէ ՀՀ շարքային քաղաքացու կյանքի որակի, անվտանգության, պետության զարգացման եւ կայունության պահպանման համար նախագահը որեւէ ազդեցություն ուներ կամ ջանք էր գործադրում։
Այս պարագայում հարցն այն է, թե ինչու հենց ՀԻՄԱ հրաժարական տվեց նախագահը։

Հրաժարականի պատճառների մասին Սարգսյանի հրապարակած տեքստը մոտավորապես «Արարատյան դաշտի լուսապայծառ առավոտ է» ոճի քնարերգություն է, անգամ լուրջ քննարկում ծավալելն է ծիծաղելի։ Տպավորություն է, թե Արմեն Սարգսյանը 4 տարի նախագահ «աշխատելուց» հետո նոր հասկացել է, թե ինչ սահմանափակ լիազորություններ ունի, ինչ վատն է Սահմանադրությունը, կառավարման համակարգը, զրո շանս իր ուժերի ներածին չափով պետությանը օգնելու համար։

Նկատենք, սակայն, որ երբ Սարգսյանը համաձայնեց դառնալ նախագահ, գործում էր հենց այն սահմանադրությունը, որից բողոքում էր Սարգսյանը։ Իհարկե, խորհրդարանական կառավարման համակարգում նախագահի լիազորությունները խիստ սահմանափակ են, բարձրաստիճան նոտարի կարգավիճակ ունի՝ չնչին բացառություններով հանդերձ, բայց այս ամենը նորություն չէ, Սարգսյանը գիտեր իր լիազորությունների շրջանակը եւ դրանց համաձայնելով է ստանձնել այդ պաշտոնը։

Երկրորդ հարցը՝ արդյոք Սարգսյանը սահմանափակ լիազորությունների ողջ գործիքակազմը օգտագործե՞լ է, մենք տեսել ենք վարչապետի հրաժարական պահանջող նախագահ, ով այնուհետեւ հանդիպում եւ ջերմ զրուցում է նախագահի հետ, մենք տեսել ենք ՍԴ դիմող Արմեն Սարգսյան, ով, սակայն, հապաղում եւ ուշ է դիմում զուտ դիմելու համար, տեսել ենք օրենքները, հրամանագրերը չստորագրող նախագահ, ով այդպիսով թույլ է տալիս այդ օրենքների «իրավունքի ուժով» կամ «օրենքի ուժով» ուժի մեջ մտնելը...Սարգսյանի դիվանագիտական կապերը, քաղաքական փորձը, հնարավորությունները ժամանակին գովերգում էր նախկին իշխող կուսակցությունը՝ ՀՀԿ-ն, իհարկե, այլ հարց է՝ այդ կապերը որեւէ կերպ նպաստեց համազգային խնդիրների լուծմանը, Սարգսյանը արձակուրդից արձակուրդ էր գնում, բուժման, վիրահատության, իսկ երբ աշխատանքի էր, վայելում էր «նախագահի» պաշտոնը ինչպես կարող է՝ պաղպաղակ էր ուտում, բուրգեր պատրաստում, սրա-նրա հետ հանդիպում, այստեղ-այնտեղ այցելում...այնպես որ պետական կառավարման համակարգից եւ լիազորություններից բողոքելուց առաջ նախ հարկ է անդրադառնալ հարցին՝ իսկ ինչ է արել Սարգսյանը այս կառավարման համակարգի արդյունավետության ապահովման համար, որքանով է իր լիազորությունների շրջանակում օգտագործել նախագահի ինստիտուտի ողջ
գործիքակազմը։

Սա հրաժարականի տեքստի մասով, ինչ վերաբերում է հրաժարականի ԻՐԱԿԱՆ, բուն պատճառին, դա կարելի է միայն ենթադրել, կռահել։
Թիվ մեկ վարկած է համարվում այն, որ հնարավոր է Փաշինյանը պատրաստվում է ինչ-որ լուրջ փաստաթուղթ ստորագրել, Արմեն Սարգսյանը չի ցանկանում ընկնել «մեղքի, պատասխանատվության» տակ եւ լքում է խորտակվող նավը։
Թիվ 2 վարկած, քանի որ սահմանադրական փոփոխությունների գործընթացը արդեն սկսվել է եւ առաջիկայում նախատեսվում է անցում կիսանախագահական համակարգին, ինչը նշանակում է նախագահի նոր ընտրություն, ուստի՝ Սարգսյանը որոշեց հեռանալ իր ոտքով, ոչ թե սահմանադրական փոփոխությունների արդյունքում։

Թիվ 3 վարկած, նախագահն ուղղակի հոգնել է, դիսկոմֆորտ է իր համար այդ պաշտոնը, առողջությունը քայքայվում է, ավելի վաղ էր ուզում հրաժարական տալ, պարզապես հիմա տվեց, այսինքն՝ որեւէ ենթատեքստ պետք չէ փնտրել։ Սա քիչ հավանական սցենար է, որովհետեւ նախագահն այն միամիտ եւ անփորձ գործիչներից չէ, որ հենց այնպես հրաժարական տար, նրա ամեն քայլը խիստ հաշվարկված է։ Ընդամենը հիշենք, որ ուղիղ 25 տարի առաջ այս օրերին վարչապետ Արմեն Սարգսյանը Լոնդոնից հրապարակեց իր հրաժարականի տեքստը: Դրանից մի քանի օր հետո նախագահ Լևոն Տեր-Պետրոսյանի հրամանագրով ՀՀ վարչապետ նշանակվեց Ռոբերտ Քոչարյանը: Եվս մեկ տարի անց հրաժարական տվեց նաև Լևոն Տեր-Պետրոսյանը:

Կա 4-րդ վարկածը առ այն, որ այս հրաժարականը ոչ թե Սարգսյանի կարիերայի ավարտի մասին է, այլ խորհրդանշում է նոր սկիզբ։ Չի բացառվում, որ Սարգսյանը սկսի ակտիվ քաղաքականությամբ զբաղվել որեւէ ուժի, լիդերի սատարելով։ Մի քիչ ժամանակ եւ պարզ կդառնա, թե հրաժարականի ԻՐԱԿԱՆ պատճառը որն է։ Իսկ առայժմ Սարգսյանը հեռացավ անգլիական ձեւով՝ հրաժեշտ չտալով հյուրերին կամ տանտիրոջը, հաշվի առնելով, որ մինչ հայտարարությունը Սարգսյանը այցելել էր Կատար, հետո աշխատանքային այցով գտնվում էր ԱՄԷ-ում, հետո մեկնել էր արձակուրդ՝ բուժման նպատակով։ Իսկ բուժումները Սարգսյանը սովորաբար արտերկրում է անցնում, սիրելի Լոնդոնում, այսինքն՝ միանգամայն հավանական տարբերակ է, որ Սարգսյանն անգամ Հայաստան չի եկել եւ փաստացի ինչպես ողջ աշխատանքային ժամանակահատվածն էր անցկացնում արտերկրում, այնպես էլ իր հրաժարականի մասին է հայտարարում հեռավոր Մեծ Բրիտանիայից։

Այժմ մյուս կարեւոր հարցը՝ ինչ է սպասում առանց նախագահ մնացած Հայաստանին, պատկերացրեք՝ ոչ մի սարսափելի կորուստ, որովհետեւ նրա ներկայությունը եւս ձեռքբերում չէր։ Ընդամենը ԱԺ-ում պետք է նախագահ ընտրեն, բայց պետք է այնպիսի թեկնածու լինի, ում ընդդիմությունն էլ ձայն կտա, քանի որ իշխանության ձայները ընտրության առաջին փուլի համար բավարար չեն․

Այսպես՝ համաձայն ՀՀ սահմանադրության 126-րդ հոդվածի՝ Հանրապետության նախագահի պաշտոնը թափուր մնալուց ոչ շուտ, քան 25, և ոչ ուշ, քան 30 օր հետո անցկացվում է Հանրապետության նախագահի արտահերթ ընտրություն:
Հանրապետության նախագահն ընտրվում է ԱԺ կողմից:

Հանրապետության նախագահի թեկնածու առաջադրելու իրավունք ունի պատգամավորների ընդհանուր թվի առնվազն մեկ քառորդը:
Նախագահ է ընտրվում այն թեկնածուն, որը ստացել է պատգամավորների ընդհանուր թվի ձայների առնվազն երեք քառորդը:
Ի դեպ, առանց ընդդիմության ձայների առաջին փուլով Հանրապետության նախագահ ընտրվել չի կարող: Անհրաժեշտ ձայների թիվը 107 պատգամավորի դեպքում կազմում է 80,25~81»:

Արդեն իսկ կան թեկնածուների անուններ, օրինակ՝ Էդմոն Մարուքյան, Արամ Սարգսյան, մի խոսքով՝ իշխանության «գրպանային» գործիչները, ովքեր պետք է ընդամենը ժամանակավոր տեղապահ աշխատեն մինչեւ սահմանադրական փոփոխությունների իրականություն դառնալը։
Իսկ մինչեւ թեկնածուի առաջադրումը, ժամանակավորապես Արմեն Սարգսյան կաշխատի Ալեն Սիմոնյանը։ ՀՀ Սահմանադրության 144-րդ հոդվածը սահմանում է Հանրապետության նախագահի լիազորությունների ժամանակավոր կատարումը, ըստ որի Հանրապետության նախագահի պաշտոնանկության, լիազորությունների կատարման անհնարինության, հրաժարականի կամ մահվան դեպքերում մինչև նորընտիր Հանրապետության նախագահի կողմից պաշտոնի ստանձնումը Հանրապետության նախագահի լիազորությունները կատարում է Ազգային ժողովի նախագահը:

Ի դեպ, այսօր 20.00-ին սպասվում է Նիկոլ Փաշինյանի ասուլիսը, հուսանք՝ նա կանդրադառնա թե նախագահի հրաժարականին եւ թե նոր թեկնածուի հարցին։ Սարգսյանը երեկ իր հրաժարականի մասին հայտարարեց 20.00-ից հետո, երբ վարչապետին ասուլիսի համար հարցեր ուղարկելու ժամանակը անցել էր։ Բայց, հուսանք, այս կարեւորագույն թեմային այսօր Փաշինյանը լույս կսփռի՝ ինչպես ասում են՝ ասա՝ ով է նախագահիդ թեկածուն, ասեմ՝ ով ես դու։

Կաթողիկոսը Լիտվայի նախագահի հետ քննարկել է Արցախի ժողովրդի իրավունքների պաշտպանության հարցը
2022թ. ամառային զորակոչի շրջանակում ՀՀ ԶՈՒ մարզական վաշտի համալրման ենթակա հաստիքների վերաբերյալ․ՊՆ
Խոշոր ավտովթար՝ Կոտայքի մարզում. մի քանի տոննա գազաբալոններով բարձված ЗИЛ 130–ը կողաշրջվել է
ԱՄՆ-ն պատրաստ է աջակցել հայ-ադրբեջանական շփումների ակտիվացմանը. Բայդեն
Սուրեն Պապիկյանը պարգեւատրել է 3-րդ բանակային զորամիավորման առավել աչքի ընկած զինծառայողներին
44-օրյա պատերազմը գծագրվել է ԱՄՆ-ի կառույցներում. Վազգեն Պետրոսյան
Արարատ Միրզոյանը Նորվեգիայի ԱԳ նախարարին ներկայացրել է 44-օրյա պատերազմի հետևանքով առաջացած հումանիտար խնդիրները
Լեռնային Ղարաբաղի հակամարտությունը չի կարող լուծվել ուժային ճանապարհով, հայկական կողմը աջակցում է ԵԱՀԿ Մինսկի խմբի միջնորդական դերին․ Մհեր Գրիգորյան
ՀՀ և ԱՀ իշխանությունները հարկ է, որ չձեռնարկեն հայոց անկախ պետականությունը և Արցախի ապագան վտանգող քայլեր․ Մայր աթոռի Գերագույն հոգևոր խորհուրդ
Աննա Հակոբյանը Լիտվայի նախագահի տիկնոջ հետ հանդիպմանը նշել է, որ իր գործունեության հիմքում է առողջ ապրելակերպի և հասարակության կայուն զարգացման քարոզը
Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ
Գեղարքունիքի և Կոտայքի մարզի մի քանի քաղաքներում ձյուն է տեղում
Ինչո՞ւ է չեղարկվել «Դիմադրության» այսօրվա հանրահավաքը
Կոչ ենք անում քաղաքական գործիչներին կանխել և դատապարտել «հայաստանցի» և «արցախցի» կեղծ ու վտանգավոր բաժանումը․ ՀՀ և Արցախի ՄԻՊ-ի հայտարարությունը
Նախագահ Խաչատուրյանը ցավակցական հեռագիր է հղել Յուրի Ջավադյանի մահվան կապակցությամբ
Գնել Սանոսյանն ընդունել է ՀՀ-ում Չեխիայի դեսպան Բեդրիխ Կոպեցկիին
Մայիսի 21-ին՝ ժամը 18:00-ին, «Դիմադրությունը» Ֆրանսիայի հրապարակում հանրահավաք է հրավիրում
Սպասվում է կարճատեւ անձրեւ եւ ամպրոպ
Այսօր հանրահավաք չի լինելու. Լևոն Քոչարյան
Աշխատանքային քննարկում՝ էլեկտրաէներգետիկայի ոլորտին առնչվող օրինագծերի մշակման թեմայով
Պարգևատրումները տրվում են բացառապես կոռուպցիոն դրսևորումները նվազագույնի հասցնելու համար՝ օրենսդրությանը համապատասխան. Ոստիկանություն
Անոնս. AD TV «Հարցազրույցի» հյուրն է Վազգեն Պետրոսյանը. Դիտեք այսօր՝ 21.30-ին
Վարչապետն ընդունել է Լիտվայի նախագահին
ՄԻՊ-ն անդրադարձել է Ադրբեջանում պահվող հայ գերիների և անհետ կորած անձանց ընտանիքների խնդիրներին
Թուրքիան պաշտոնապես աջակցում է Փաշինյանին. Վարուժան Գեղամյան
Չեմ պնդում, որ 100 տոկոսանոց անսխալ որոշում ենք կայացրել. հանձնաժողովի անդամը՝ Դեբեդ նետված փոքրիկի խնամակալության մասին
Արփի Գաբրիելյանի նոր լուսանկարը
ՀՀ նախագահի անունից տրվել է պաշտոնական ճաշ՝ ի պատիվ Լիտվայի նախագահի և նրա տիկնոջ
ԱՀԿ-ն փորձագետների արտակարգ խորհրդակցություն է հրավիրել
Մայիսյան ձյուն. Սուրենյանը տեսանյութ է հրապարակել
Լիտվայի գյուղատնտեսության նախարարի հետ հանդիպմանը անդրադարձ է կատարվել արտահանման և ներմուծման գործընթացների արդյունավետ կազմակերպմանը
Իրացման ցանցում հայտնաբերվել է ժամկետանց սննդամթերք. ՍԱՏՄ
Շենգավիթի ոստիկանության մոտ բախվել են BMW-ն, Kia-ն, Ford-ը, Mercedes-ն ու 2 Opel. կա 1 զոհ
Բարոնուհի Քոքսը բրիտանական իշխանություններին խնդրում է պատասխանատվության ենթարկել Ադրբեջանին՝ Արցախում հանցագործություններ կատարելու համար 
«Առանց Նիկոլ Հայաստան լինելու է». ակցիայի մասնակիցը՝ Երևանի թատրոնի և կինոյի պետական ինստիտուտում
«Դիմադրության» երթը դեպի Մատենադարան, որտեղ գտնվում է Լիտվայի նախագահը. Ուղիղ
Հակամարտությունների լուծման միակ ճանապարհը խաղաղ բանակցություններն են. Լիտվայի նախագահ
Ջանքերս մարդկանց հիմնախնդիրների լուծմանն են միտված. Շիրակի մարզպետ
Կառավարությունն ունի հանրային կառավարման բարեփոխումների հավակնոտ, բայց իրատեսական օրակարգ. Համբարձում Մաթևոսյան
«Նիկոլ դավաճան»․ ինչպես «Դիմադրություն»-ը դիմավորեց Հայաստանի և Լիտվայի նախագահներին
Հայաստանը Համաշխարհային գիմնազիադայիում արդեն 3 մեդալ է նվաճել
Հուշագիր՝ Չորաթանի Սուրբ Հռիփսիմե եկեղեցու նորոգման և վերականգնման մասին
Կարմիր բերետավորները բերման ենթարկեցին կարմիր «զոնտիկավորներին»
Չեխիայի ԱԳ նախարարի հետ հանդիպմանը Արարատ Միրզոյանն ընդգծել է հայ գերիների հայրենադարձման անհրաժեշտությունը
Տավրոս Սափեյանը նշանակվել է Թալին համայնքի ղեկավարի պաշտոնակատար
Հենց քաղաքացին է ՀՀ-ի ժողովրդավարության առանցքային երաշխավորը. Նիկոլ Փաշինյան
Այս ապագան է Արցախի բնակչությանն առաջարկում ԱՄՆ դեսպանն Ադրբեջանի կազմում. Ստեփան Դանիելյան
«Ամոթ...Նիկոլ դավաճան» վանկարկումների ներքո Փաշինյանը ժամանեց «Մարիոթ» հյուրանոց
Ի՞նչ օգտակար հատկություններ ունի այս սեզոնի ամենասիրված հատապտուղը՝ ելակը  
Նարեկ Մանթաշյանը կմնա կալանքի տակ
Ամենադիտված
Կայքի պատրաստում և սպասարկում՝ sargssyan™