«Հայաստանը թվերով»․ Ինչ վարքագիծ է դրսևորել դրամ-դոլար փոխարժեքը վերջին 20 տարվա ընթացքում և որքան է արժեվորվել տարեսկզբից

ArmDaily.am-ը շարունակում է «Հայաստանը թվերով» շարքը, որի շրջանակներում այս անգամ կանդրադառնանք դրամ-դոլար փոխարժեքին։

Ըստ ՀՀ կենտրոնական բանկի՝ այսօր դոլարը կարելի է գնել 532.78 դրամով։ Վերջին ամիսների ընթացքում դոլարը կայուն աճ էր աձանագրում։ Առավելագույն կետի դոլարի գինն հասել էր ապրիլի 8-ին, երբ փոխարժեքը հասավ 537.36 դրամի։ Միայն ԿԲ-ի միջամտությունների շնորհիվ փոխարժեքը վերջին 1-2 օրվա ընթացքում այն փոքր ինչ նվազեց։

ՀՀ ազգային վիճակագրական կոմիտեի տվյալների՝ հունվար-փետրվար ամիսներին նախորդ տարվա նույն ժամանակաշրջանի համեմատ փոխարժեքը աճել է 9.1 տոկոսով։ Հունվարին դոլարի միջին փոխարժեքը եղել է 521,2 դրամ, իսկ փետրվարին՝ 523,5 դրամ։ 2020 թ-ին միջին փոխարժեքը կազմել է 489 դրամ, նախորդ տարվա համեմատ այս ցուցանիշն ավելացել է միայն 1,78 տոկոսով։

Վերջին 20 տարիների ընթացքում դոլարի փոխարժեքն իր գագաթնակետին է հասել 2003 թ-ին երբ այն կազմել է 578,8 դրամ, հաջորդող տարիներին փոխարժեքը կայուն կերպով սկսել է նվազել և 2008 թ-ին հասել է 20 տարվա ընթացքում արձանագրված նվազագույն կետն՝ 306 դրամի։ Տոկոսային հարաբերությամբ՝ ամենաբարձր աճն արձանագրվել է հենց դրա հաջորդ տարում, երբ փոխարժեքն արժեվորվեց միանգամից 18,7 տոկոսով։ Հաջորդիվ տարիներին փոխարժեքը շարունակել է կայուն, բայց ոչ մեծ տոկոսային հարաբերակցությամբ աճել, բացառությամբ 2015 թ-ի, երբ դոլարն արժեվորվեց միանգամից 14,91 տոկոսով։

Հատկանշական է, որ 2018-ին ՝ իշխանափոխությունից հետո՝ փոխարժեքի աննշան՝ 0,06 տոկոս աճ արձանագրվել էր 2018թ-ին, իսկ 2019-ին այն անգամ նվազել էր 0,53 տոկոսով։ 2020-ին նախորդ տարվա համեմատ դոլարը կարելի էր ձեռք բերել 1.78 տոկոսով ավելի բարձր գնով, կամ միջինում 489 դրամով։

Այս թեմայով «Հայաստանը թվերով»․ Սննդամթերքի գները 2021թ. սեպտեմբերին նախորդ տարվա համեմատ աճել են 15.4% -ով 2021 թ-ի երկրորդ եռամսյակում Հայաստանի արտաքին պետական պարտքը հասել է 6 մլրդ 677,7 մլն դոլարի «Հայաստանը՝ թվերով»․ 2021 թ-ի առաջին եռամսյակում ամուսնալուծությունների թիվն աճել է 8.3 տոկոսով «Հայաստանը՝ թվերով»․ 2021 թ-ի առաջին 3 ամսում ՄԻԱՎ-ի առկայության վերաբերյալ հետազոտություն է անցել 30 937 մարդ «Հայաստանը թվերով»․ Հայաստանի պետական պարտքը 3 ամսվա ընթացքում ավելացել է ավելի քան 700 մլն դոլարով