Ի դեպ. Դարձյալ արտահերթ ընտրությունների մասին
Ի դեպԻ դեպ, վերջին շրջանում քաղաքական շրջանակներում ավելի ու ավելի շատ է խոսվում արտահերթ ընտրությունների մասին:Մի առիթով նկատել էինք, թե մի «ուրվական է շրջում Հայաստանում, արտահերթ ընտրությունների ուրվականը»։ Այո «ուրվական», քանի որ ընտրությունների թեման քաղաքական ուժերի օրակարգում կա, բայց այս հարցում որեւէ հստակություն ու համախոհություն չկա։ Ի՞նչ են ասում խորհրդարանական քաղաքական ուժերը։
«Իմ քայլի» առաջարկած քայլը հետեւյալն է. ասում են ունենք խնդիր և այդ խնդրի լուծման համար առաջարկում ենք արտահերթ ընտրություններ։ Եւ ուրեմն մյուս ուժերի կողմից էլ պետք է լինի ըմբռնում, որ արտահերթ խորհրդարանական ընտրությունները հանգուցալուծելու են խնդիրը։Եթե ընդդիմությունը կողմ է արտահերթ ընտրություններին, ուրեմն պետք է հուշագիր ստորագրի եւ վարչապետի թեկնածու չպետք է առաջադրի։ « Իմ քայլը» խմբակցության պատգամավոր Սուրեն Գրիգորյանի համար խորհրդարանական ընդդիմության դիրքորոշումն անհասկանալի է։ Մինչ այս նրանք բողոքում էին, որ իրենց կարծիքը հաշվի չի առնվում, և խորհրդարանական մեծամասնությունը միանձնյա որոշումներ է կայացնում, իսկ հիմա, որ հրավիրում են համատեղ որոշումների, մարդիկ հրաժարվում են մասնակեցել այդ համաձայնության ձեռք բերմանը։ Խորհրդարանական 2-րդ ուժը՝ ԲՀԿ-ն ասում է, որ այս փուլում արտահերթ ընտրություն անցկացնելը հղի է անկայունության խորացմամբ։Դրա համար ի՞նչ են ասում, ասում են՝ վարչապետը թող հրաժարական տա առանց նախապայմանների։ խորհրդարանը կընտրի նոր վարչապետ, որը օրենքով սահմանված ու երաշխավորված կարգով կաշխատի մեկ տարի, կկայունացնի իրավիճակը, հետո կգնանք ընտրությունների։Հասանք «Լուսավոր Հայաստան»։
«Լուսավորը» հուշագիր ստորագրելու եւ վարչապետի թեկնածու չառաջադրելու թեման համարում է փակված, քանի որ վարչապետի առաջարկը լսել ու մերժել է, ավելին, պնդում է, որ առաջադրելու է իր թեկնածուին։ Օրակարգը՝ անցումային կառավարություն ձեւավորելն է։ Բայց այստեղ մի հարց է առաջանում։ Իշխանության ի՞նչն է պակաս, որ առանց հուշագրի իրացնի իր օրակարգը։Կա՞մքը, ցանկությո՞ւնը, թե պատգամավորական ձայները։Ձայների մասով, ըստ «Լուսավորի» հաշվարկի, «Իմ քայլն» այսօր խորհրդարանում ունի 82, իսկ Բարգավաճն ու Լուսավորը միասին, շուրջ 45 ձայն։Եւ ուրեմն ի՞նչ խնդիր կա։ Հնարավո՞ր է, որ վարչապետը վստահ չէ իր ունեցած 82-ի վրա, եւ կասկածներ ունի, որ իր հրաժարականի դեպքում «առնետավազք» կլինի ու Մարուքյանը կընտրվի վարչապետ։Ի՞նչ իմանաս, մինչեւ հաստատ չիմանաս։
