Ի դեպ. Պատերազմի, տեղեկատվության ու հանրային տրամադրությունների մասին
Ի դեպԻ դեպ, պատերազմի մեկնարկից ի վեր այսօր երեւի թե առաջին օրն էր, որ սոցցնցերի հայկական տիրույթում ասենք այսպես՝ փոքր ինչ անկումային տրամադրություններ էին։ Բարեբախտաբար, մեր զինված ուժերի կողմից վարվող հերոսական մարտերի արդյունքում դա տեւեց ընդամենը կես օր ու ամեն ինչ ընկավ իր տեղը։ Իսկ ինչ էր տեղի ունեցել։ Լրագրող Թաթուլ Հակոբյանը, որն ի դեպ, արցախյան հիմնահարցին տիրապետում է լուրջ, փորձագիտական մակարդակով՝ հակամարտության կարգավորման պատմությանը նվիրված գիրք է գրել ժամանակին, բավական հետաքրքիր մանրամասներով ու նրբերանգներով, այսօր առավոտյան մի գրառում էր արել այն մասին, որ հրադադար չկա, Ադրբեջանը հրադադարի օրերին ունեցել է տարածքային զգալի ձեռքբերումներ։
Հետո, հղում անելով պաշտոնական տեղեկատվությանը, որ ազերիները հասել են Իշխանաձորի մոտ, բացատրել էր, որ Իշխանաձորը նախկին Ղուբաթլուի շրջանի սկիզբն է եւ որ պատերազմի ավելի քան երեք շաբաթների ընթացքում ազերիները գրավել են Ջեբրայիլի շրջանը։ Սա մի մեծ իրարանցում առաջացրեց սոցցանցերում, մի մասը սկսեց կոշտ քննադատության ենթարկել նրան, տարբեր սպառնալիքներով, մի մասը սկսեց պաշտպանել , որ Թաթուլը սուտ բան չի ասել, իր լրագրողական պարտքն է կատարել, պարզապես պաշտոնական հաղորդագրության մեջ նշված տեղանունը դրել է քարտեզի վրա, որ խոսքը մեր դիմադրելու կարողության մասին է, եւ այլն եւ այսպես շարունակ։ Բայց տեղեկատվական հարթության մեջ, ինչպես ասում են՝ «բանը բանից անցել էր», եւ եւս մեկ անգամ համոզվեցինք, թե հանրային տրամադրությունների վրա ինչքան մեծ ազղդեցություն կարող է ունենալ եւ ինչքան մեծ աղմուկ կարող է բարձրացնելիսկ նույնիսկ ճիշտ, բայց ոչ տեղին ու ժամանակին արտասանված բառը։ Ինչեւէ։
Հենց այստեղ վրա հասավ ՀՀ ՊՆ տեղեկատվության ծանր հրետանին՝ Արծրուն Հովհաննիսյանը. Մեջբերեմ. «Նահանջը պարտություն չէ, 1918 ին էլ կար նահանջ, 1941թ. Էլ կար նահանջ, 1992թ. Էլ կար նահանջ, բայց բոլոր այդ դեպքերում, վերջում եղավ հաղթանակ։ Էլի է լինելու հաղթանակ։Վաղը որ իմ եղբայրներն ու քույրերը համառ դիմադրելուց հետո նորից անցնեն հարձակման, իսկ անցնելու են հաստատ, շատերդ ամաչելու եք այս տրամադրությունների համար։ Այո նահանջել ենք, որոշ տեղերում դա ամենաճիշտ լուծումն է։ Մի արեք նման բաներ»,- գրել էր Արծրուն Հովհաննիսյանը։ Հետո արդեն եկավ սպասված լուրը՝ ՊՆ մամլո խոսնակից, ավելի շուտ, քան սպասվում էր. Հակառակորդը հարավային ուղղությամբ՝ մեծ կորուստներ կրելով նահանջում է․․․ Զգուշացրել էինք՝ դժոխք եք մուտք գործում։ Այսքան բան։
Պինդ մնացեք, հաղթելու ենք։
